sn6.1:5.1 Atha kho brahmuno sahampatissa bhagavato cetasā cetoparivitakkamaññāya etadahosi:
BAGIAN 5
sn6.1:5.2 “nassati vata bho loko, vinassati vata bho loko, yatra hi nāma tathāgatassa arahato sammāsambuddhassa appossukkatāya cittaṁ namati, no dhammadesanāyā”ti.
sn6.1:5.3 Atha kho brahmā sahampati—seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—brahmaloke antarahito bhagavato purato pāturahosi.
sn6.1:5.4 Atha kho brahmā sahampati ekaṁsaṁ uttarāsaṅgaṁ karitvā dakkhiṇajāṇumaṇḍalaṁ pathaviyaṁ nihantvā yena bhagavā tenañjaliṁ paṇāmetvā bhagavantaṁ etadavoca:
sn6.1:5.5 “desetu, bhante, bhagavā dhammaṁ, desetu sugato dhammaṁ.
sn6.1:5.6 Santi sattā apparajakkhajātikā, assavanatā dhammassa parihāyanti.
sn6.1:5.7 Bhavissanti dhammassa aññātāro”ti.
sn6.1:5.8 Idamavoca brahmā sahampati, idaṁ vatvā athāparaṁ etadavoca: