Ekadhammasutta

sn54.1:1.1 Sāvatthinidānaṁ.

sn54.1:1.2 Tatra kho …pe… etadavoca:

sn54.1:1.3 “ekadhammo, bhikkhave, bhāvito bahulīkato mahapphalo hoti mahānisaṁso.

sn54.1:1.4 Katamo ekadhammo?

sn54.1:1.5 Ānāpānassati.

sn54.1:1.6 Kathaṁ bhāvitā ca, bhikkhave, ānāpānassati kathaṁ bahulīkatā mahapphalā hoti mahānisaṁsā?

sn54.1:1.7 Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.

sn54.1:1.8 So satova assasati, satova passasati.