Āhārasutta

sn46.51:1.1 Sāvatthinidānaṁ.

sn46.51:1.2 “Pañcannañca, bhikkhave, nīvaraṇānaṁ sattannañca bojjhaṅgānaṁ āhārañca anāhārañca desessāmi;

sn46.51:1.3 taṁ suṇātha.

sn46.51:1.4 Ko ca, bhikkhave, āhāro anuppannassa vā kāmacchandassa uppādāya, uppannassa vā kāmacchandassa bhiyyobhāvāya vepullāya?

sn46.51:1.5 Atthi, bhikkhave, subhanimittaṁ.

sn46.51:1.6 Tattha ayonisomanasikārabahulīkāro—

sn46.51:1.7 ayamāhāro anuppannassa vā kāmacchandassa uppādāya, uppannassa vā kāmacchandassa bhiyyobhāvāya vepullāya.