Jāṇussoṇibrāhmaṇasutta

sn45.4:3.1 “Idhāhaṁ, bhante, pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisiṁ.

sn45.4:3.2 Addasaṁ khvāhaṁ, bhante, jāṇussoṇiṁ brāhmaṇaṁ sabbasetena vaḷavābhirathena sāvatthiyā niyyāyantaṁ.

sn45.4:3.3 Setā sudaṁ assā yuttā honti setālaṅkārā, seto ratho, setaparivāro, setā rasmiyo, setā patodalaṭṭhi, setaṁ chattaṁ, setaṁ uṇhīsaṁ, setāni vatthāni, setā upāhanā, setāya sudaṁ vālabījaniyā bījīyati.

sn45.4:3.4 Tamenaṁ jano disvā evamāha:

sn45.4:3.5 ‘brahmaṁ vata, bho, yānaṁ.

sn45.4:3.6 Brahmayānarūpaṁ vata, bho’ti.

sn45.4:3.7 Sakkā nu kho, bhante, imasmiṁ dhammavinaye brahmayānaṁ paññāpetun”ti?