Paṭhamapaṭipadāsutta

sn45.23:1.1 Sāvatthinidānaṁ.

sn45.23:1.2 “Micchāpaṭipadañca vo, bhikkhave, desessāmi, sammāpaṭipadañca.

sn45.23:1.3 Taṁ suṇātha.

sn45.23:1.4 Katamā ca, bhikkhave, micchāpaṭipadā?

sn45.23:1.5 Seyyathidaṁ—micchādiṭṭhi …pe… micchāsamādhi.

sn45.23:1.6 Ayaṁ vuccati, bhikkhave, micchāpaṭipadā.

sn45.23:1.7 Katamā ca, bhikkhave, sammāpaṭipadā?

sn45.23:1.8 Seyyathidaṁ—sammādiṭṭhi …pe… sammāsamādhi.

sn45.23:1.9 Ayaṁ vuccati, bhikkhave, sammāpaṭipadā”ti.

sn45.23:1.10 Tatiyaṁ.