sn44.4:2.1 Rūpañca kho, āvuso, jānato passato yathābhūtaṁ, rūpasamudayaṁ jānato passato yathābhūtaṁ, rūpanirodhaṁ jānato passato yathābhūtaṁ, rūpanirodhagāminiṁ paṭipadaṁ jānato passato yathābhūtaṁ, ‘hoti tathāgato paraṁ maraṇā’tipissa na hoti …pe…
BAGIAN 2
sn44.4:2.2 ‘neva hoti na na hoti tathāgato paraṁ maraṇā’tipissa na hoti.
sn44.4:2.3 Vedanaṁ …pe…
sn44.4:2.4 saññaṁ …pe…
sn44.4:2.5 saṅkhāre …pe…
sn44.4:2.6 viññāṇaṁ jānato passato yathābhūtaṁ, viññāṇasamudayaṁ jānato passato yathābhūtaṁ, viññāṇanirodhaṁ jānato passato yathābhūtaṁ, viññāṇanirodhagāminiṁ paṭipadaṁ jānato passato yathābhūtaṁ, ‘hoti tathāgato paraṁ maraṇā’tipissa na hoti;
sn44.4:2.7 ‘na hoti tathāgato paraṁ maraṇā’tipissa na hoti;
sn44.4:2.8 ‘hoti ca na ca hoti tathāgato paraṁ maraṇā’tipissa na hoti;
sn44.4:2.9 ‘neva hoti na na hoti tathāgato paraṁ maraṇā’tipissa na hoti.
sn44.4:2.10 Ayaṁ kho, āvuso, hetu ayaṁ paccayo, yenetaṁ abyākataṁ bhagavatā”ti.
sn44.4:2.11 Catutthaṁ.