Rāsiyasutta

sn42.12:3.1 Tayo kho me, gāmaṇi, kāmabhogino santo saṁvijjamānā lokasmiṁ.

sn42.12:3.2 Katame tayo?

sn42.12:3.3 Idha, gāmaṇi, ekacco kāmabhogī adhammena bhoge pariyesati, sāhasena adhammena bhoge pariyesitvā sāhasena na attānaṁ sukheti na pīṇeti na saṁvibhajati na puññāni karoti.

sn42.12:3.4 Idha pana, gāmaṇi, ekacco kāmabhogī adhammena bhoge pariyesati sāhasena.

sn42.12:3.5 Adhammena bhoge pariyesitvā sāhasena attānaṁ sukheti pīṇeti, na saṁvibhajati na puññāni karoti.

sn42.12:3.6 Idha pana, gāmaṇi, ekacco kāmabhogī adhammena bhoge pariyesati sāhasena.

sn42.12:3.7 Adhammena bhoge pariyesitvā sāhasena attānaṁ sukheti pīṇeti saṁvibhajati puññāni karoti.