Dutiyaisidattasutta

sn41.3:7.1 “Kuto, bhante, ayyo isidatto āgacchatī”ti?

sn41.3:7.2 “Avantiyā kho, gahapati, āgacchāmī”ti.

sn41.3:7.3 “Atthi, bhante, avantiyā isidatto nāma kulaputto amhākaṁ adiṭṭhasahāyo pabbajito?

sn41.3:7.4 Diṭṭho so āyasmatā”ti?

sn41.3:7.5 “Evaṁ, gahapatī”ti.

sn41.3:7.6 “Kahaṁ nu kho so, bhante, āyasmā etarahi viharatī”ti?

sn41.3:7.7 Evaṁ vutte, āyasmā isidatto tuṇhī ahosi.

sn41.3:7.8 “Ayyo no, bhante, isidatto”ti?

sn41.3:7.9 “Evaṁ, gahapatī”ti.

sn41.3:7.10 “Abhiramatu, bhante, ayyo isidatto macchikāsaṇḍe.

sn41.3:7.11 Ramaṇīyaṁ ambāṭakavanaṁ.

sn41.3:7.12 Ahaṁ ayyassa isidattassa ussukkaṁ karissāmi cīvarapiṇḍapātasenāsanagilānappaccayabhesajjaparikkhārānan”ti.

sn41.3:7.13 “Kalyāṇaṁ vuccati, gahapatī”ti.