sn40.3:1.1 “‘Tatiyaṁ jhānaṁ, tatiyaṁ jhānan’ti vuccati.
BAGIAN 1
sn40.3:1.2 Katamaṁ nu kho tatiyaṁ jhānanti?
sn40.3:1.3 Tassa mayhaṁ, āvuso, etadahosi—
sn40.3:1.4 idha bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharati.
sn40.3:1.5 Idaṁ vuccati tatiyaṁ jhānanti.
sn40.3:1.6 So khvāhaṁ, āvuso, pītiyā ca virāgā upekkhako ca viharāmi sato ca sampajāno sukhañca kāyena paṭisaṁvedemi. Yaṁ taṁ ariyā ācikkhanti: ‘upekkhako satimā sukhavihārī’ti tatiyaṁ jhānaṁ upasampajja viharāmi.
sn40.3:1.7 Tassa mayhaṁ, āvuso, iminā vihārena viharato pītisahagatā saññāmanasikārā samudācaranti.