Paṭhamajhānapañhāsutta

sn40.1:3.1 Atha kho maṁ, āvuso, bhagavā iddhiyā upasaṅkamitvā etadavoca:

sn40.1:3.2 ‘moggallāna, moggallāna.

sn40.1:3.3 Mā, brāhmaṇa, paṭhamaṁ jhānaṁ pamādo, paṭhame jhāne cittaṁ saṇṭhapehi, paṭhame jhāne cittaṁ ekodiṁ karohi, paṭhame jhāne cittaṁ samādahā’ti.

sn40.1:3.4 So khvāhaṁ, āvuso, aparena samayena vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja vihāsiṁ.

sn40.1:3.5 Yañhi taṁ, āvuso, sammā vadamāno vadeyya:

sn40.1:3.6 ‘satthārānuggahito sāvako mahābhiññataṁ patto’ti, mamaṁ taṁ sammā vadamāno vadeyya:

sn40.1:3.7 ‘satthārānuggahito sāvako mahābhiññataṁ patto’”ti.

sn40.1:3.8 Paṭhamaṁ.