sn35.238:4.1 Atha kho so, bhikkhave, puriso bhīto catunnaṁ āsīvisānaṁ uggatejānaṁ ghoravisānaṁ, bhīto pañcannaṁ vadhakānaṁ paccatthikānaṁ, bhīto chaṭṭhassa antaracarassa vadhakassa ukkhittāsikassa yena vā tena vā palāyetha.
BAGIAN 4
sn35.238:4.2 So passeyya suññaṁ gāmaṁ.
sn35.238:4.3 Yaññadeva gharaṁ paviseyya rittakaññeva paviseyya tucchakaññeva paviseyya suññakaññeva paviseyya.
sn35.238:4.4 Yaññadeva bhājanaṁ parimaseyya rittakaññeva parimaseyya tucchakaññeva parimaseyya suññakaññeva parimaseyya.
sn35.238:4.5 Tamenaṁ evaṁ vadeyyuṁ:
sn35.238:4.6 ‘idāni, ambho purisa, imaṁ suññaṁ gāmaṁ corā gāmaghātakā pavisanti.
sn35.238:4.7 Yaṁ te, ambho purisa, karaṇīyaṁ taṁ karohī’ti.