sn35.235:1.1 “Ādittapariyāyaṁ vo, bhikkhave, dhammapariyāyaṁ desessāmi.
BAGIAN 1
sn35.235:1.2 Taṁ suṇātha.
sn35.235:1.3 Katamo ca, bhikkhave, ādittapariyāyo, dhammapariyāyo?
sn35.235:1.4 Varaṁ, bhikkhave, tattāya ayosalākāya ādittāya sampajjalitāya sajotibhūtāya cakkhundriyaṁ sampalimaṭṭhaṁ, na tveva cakkhuviññeyyesu rūpesu anubyañjanaso nimittaggāho.
sn35.235:1.5 Nimittassādagathitaṁ vā, bhikkhave, viññāṇaṁ tiṭṭhamānaṁ tiṭṭheyya, anubyañjanassādagathitaṁ vā tasmiñce samaye kālaṁ kareyya, ṭhānametaṁ vijjati, yaṁ dvinnaṁ gatīnaṁ aññataraṁ gatiṁ gaccheyya—
sn35.235:1.6 nirayaṁ vā, tiracchānayoniṁ vā.
sn35.235:1.7 Imaṁ khvāhaṁ, bhikkhave, ādīnavaṁ disvā evaṁ vadāmi.