sn35.113:2.1 Cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso.
BAGIAN 2
sn35.113:2.2 Phassapaccayā vedanā;
sn35.113:2.3 vedanāpaccayā taṇhā.
sn35.113:2.4 Tassāyeva taṇhāya asesavirāganirodhā upādānanirodho;
sn35.113:2.5 upādānanirodhā bhavanirodho;
sn35.113:2.6 bhavanirodhā jātinirodho;
sn35.113:2.7 jātinirodhā jarāmaraṇaṁ sokaparidevadukkhadomanassupāyāsā nirujjhanti.
sn35.113:2.8 Evametassa kevalassa dukkhakkhandhassa nirodho hoti …pe…
sn35.113:2.9 jivhañca paṭicca rase ca uppajjati …pe…
sn35.113:2.10 manañca paṭicca dhamme ca uppajjati manoviññāṇaṁ. Tiṇṇaṁ saṅgati phasso.
sn35.113:2.11 Phassapaccayā vedanā;
sn35.113:2.12 vedanāpaccayā taṇhā.
sn35.113:2.13 Tassāyeva taṇhāya asesavirāganirodhā upādānanirodho;
sn35.113:2.14 upādānanirodhā …pe…
sn35.113:2.15 evametassa kevalassa dukkhakkhandhassa nirodho hotī”ti.