Sītavalāhakadānūpakārasuttadasaka

sn32.3-12:1.1 Sāvatthinidānaṁ.

sn32.3-12:1.2 Ekamantaṁ nisinno kho so bhikkhu bhagavantaṁ etadavoca:

sn32.3-12:1.3 “ko nu kho, bhante, hetu, ko paccayo, yena midhekacco kāyassa bhedā paraṁ maraṇā sītavalāhakānaṁ devānaṁ sahabyataṁ upapajjatī”ti?

sn32.3-12:1.4 “Idha, bhikkhu, ekacco kāyena sucaritaṁ carati, vācāya sucaritaṁ carati, manasā sucaritaṁ carati.

sn32.3-12:1.5 Tassa sutaṁ hoti:

sn32.3-12:1.6 ‘sītavalāhakā devā dīghāyukā vaṇṇavanto sukhabahulā’ti.

sn32.3-12:1.7 Tassa evaṁ hoti:

sn32.3-12:1.8 ‘aho vatāhaṁ kāyassa bhedā paraṁ maraṇā sītavalāhakānaṁ devānaṁ sahabyataṁ upapajjeyyan’ti.

sn32.3-12:1.9 So annaṁ deti …pe…

sn32.3-12:1.10 padīpeyyaṁ deti.

sn32.3-12:1.11 So kāyassa bhedā paraṁ maraṇā sītavalāhakānaṁ devānaṁ sahabyataṁ upapajjati.

sn32.3-12:1.12 Ayaṁ kho, bhikkhu, hetu, ayaṁ paccayo, yena midhekacco kāyassa bhedā paraṁ maraṇā sītavalāhakānaṁ devānaṁ sahabyataṁ upapajjatī”ti.

sn32.3-12:1.13 Dvādasamaṁ.