sn22.81:9.1 Na heva kho rūpaṁ attato samanupassati, na rūpavantaṁ attānaṁ, na attani rūpaṁ, na rūpasmiṁ attānaṁ samanupassati;
BAGIAN 9
sn22.81:9.2 api ca kho vedanaṁ attato samanupassati, api ca kho vedanāvantaṁ attānaṁ samanupassati, api ca kho attani vedanaṁ samanupassati, api ca kho vedanāya attānaṁ samanupassati;
sn22.81:9.3 api ca kho saññaṁ …
sn22.81:9.4 api ca kho saṅkhāre attato samanupassati, api ca kho saṅkhāravantaṁ attānaṁ samanupassati, api ca kho attani saṅkhāre samanupassati, api ca kho saṅkhāresu attānaṁ samanupassati;
sn22.81:9.5 api ca kho viññāṇaṁ attato samanupassati, api ca kho viññāṇavantaṁ attānaṁ, api ca kho attani viññāṇaṁ, api ca kho viññāṇasmiṁ attānaṁ samanupassati.
sn22.81:9.6 Yā kho pana sā, bhikkhave, samanupassanā saṅkhāro so.
sn22.81:9.7 So pana saṅkhāro kiṁnidāno …pe… kiṁpabhavo?
sn22.81:9.8 Avijjāsamphassajena, bhikkhave, vedayitena phuṭṭhassa assutavato puthujjanassa uppannā taṇhā;
sn22.81:9.9 tatojo so saṅkhāro.
sn22.81:9.10 Iti kho, bhikkhave, sopi saṅkhāro anicco saṅkhato paṭiccasamuppanno.
sn22.81:9.11 Sāpi taṇhā …
sn22.81:9.12 sāpi vedanā …
sn22.81:9.13 sopi phasso …
sn22.81:9.14 sāpi avijjā aniccā saṅkhatā paṭiccasamuppannā.
sn22.81:9.15 Evaṁ kho, bhikkhave, jānato evaṁ passato anantarā āsavānaṁ khayo hoti.