sn22.7:9.1 Na viññāṇaṁ attato samanupassati, na viññāṇavantaṁ vā attānaṁ …pe…
BAGIAN 9
sn22.7:9.2 tassa taṁ viññāṇaṁ vipariṇamati aññathā hoti.
sn22.7:9.3 Tassa viññāṇavipariṇāmaññathābhāvā na viññāṇavipariṇāmānuparivatti viññāṇaṁ hoti.
sn22.7:9.4 Tassa na viññāṇavipariṇāmānuparivattijā paritassanā dhammasamuppādā cittaṁ pariyādāya tiṭṭhanti.
sn22.7:9.5 Cetaso apariyādānā na cevuttāsavā hoti na ca vighātavā na ca apekkhavā, anupādāya ca na paritassati.
sn22.7:9.6 Evaṁ kho, bhikkhave, anupādā aparitassanaṁ hotī”ti.
sn22.7:9.7 Sattamaṁ.