sn22.62:13.1 Ime kho, bhikkhave, tayo niruttipathā adhivacanapathā paññattipathā asaṅkiṇṇā asaṅkiṇṇapubbā, na saṅkīyanti, na saṅkīyissanti, appaṭikuṭṭhā samaṇehi brāhmaṇehi viññūhi.
BAGIAN 13
sn22.62:13.2 Yepi te, bhikkhave, ahesuṁ ukkalā vassabhaññā ahetukavādā akiriyavādā natthikavādā, tepime tayo niruttipathe adhivacanapathe paññattipathe na garahitabbaṁ nappaṭikkositabbaṁ amaññiṁsu.
sn22.62:13.3 Taṁ kissa hetu?
sn22.62:13.4 Nindāghaṭṭanabyārosaupārambhabhayā”ti.
sn22.62:13.5 Majjhimapaṇṇāsakassa upayavaggo paṭhamo.