Serīsutta

sn2.23:8.1 Bhūtapubbāhaṁ, bhante, sirī nāma rājā ahosiṁ dāyako dānapati dānassa vaṇṇavādī.

sn2.23:8.2 Tassa mayhaṁ, bhante, catūsu dvāresu dānaṁ dīyittha samaṇabrāhmaṇakapaṇaddhikavanibbakayācakānaṁ.

sn2.23:8.3 Atha kho maṁ, bhante, itthāgāraṁ upasaṅkamitvā etadavoca:

sn2.23:8.4 ‘devassa kho dānaṁ dīyati; amhākaṁ dānaṁ na dīyati.

sn2.23:8.5 Sādhu mayampi devaṁ nissāya dānāni dadeyyāma, puññāni kareyyāmā’ti.

sn2.23:8.6 Tassa mayhaṁ, bhante, etadahosi:

sn2.23:8.7 ‘ahaṁ khosmi dāyako dānapati dānassa vaṇṇavādī.

sn2.23:8.8 Dānaṁ dassāmāti vadante kinti vadeyyan’ti?

sn2.23:8.9 So khvāhaṁ, bhante, paṭhamaṁ dvāraṁ itthāgārassa adāsiṁ.

sn2.23:8.10 Tattha itthāgārassa dānaṁ dīyittha; mama dānaṁ paṭikkami.