sn2.23:10.1 Atha kho maṁ, bhante, balakāyo upasaṅkamitvā etadavoca:
BAGIAN 10
sn2.23:10.2 ‘devassa kho dānaṁ dīyati; itthāgārassa dānaṁ dīyati; khattiyānaṁ anuyantānaṁ dānaṁ dīyati; amhākaṁ dānaṁ na dīyati.
sn2.23:10.3 Sādhu mayampi devaṁ nissāya dānāni dadeyyāma, puññāni kareyyāmā’ti.
sn2.23:10.4 Tassa mayhaṁ, bhante, etadahosi:
sn2.23:10.5 ‘ahaṁ khosmi dāyako dānapati dānassa vaṇṇavādī.
sn2.23:10.6 Dānaṁ dassāmāti vadante kinti vadeyyan’ti?
sn2.23:10.7 So khvāhaṁ, bhante, tatiyaṁ dvāraṁ balakāyassa adāsiṁ.
sn2.23:10.8 Tattha balakāyassa dānaṁ dīyittha, mama dānaṁ paṭikkami.