sn16.4:3.1 Yo ca kho, bhikkhave, bhikkhu evaṁcitto kulāni upasaṅkamati:
BAGIAN 3
sn16.4:3.2 ‘taṁ kutettha labbhā parakulesu—
sn16.4:3.3 dentuyeva me, mā nādaṁsu;
sn16.4:3.4 bahukaññeva me dentu, mā thokaṁ;
sn16.4:3.5 paṇītaññeva me dentu, mā lūkhaṁ;
sn16.4:3.6 sīghaññeva me dentu, mā dandhaṁ;
sn16.4:3.7 sakkaccaññeva me dentu, mā asakkaccan’ti.
sn16.4:3.8 Tassa ce, bhikkhave, bhikkhuno evaṁcittassa kulāni upasaṅkamato na denti; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.
sn16.4:3.9 Thokaṁ denti, no bahukaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.
sn16.4:3.10 Lūkhaṁ denti, no paṇītaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.
sn16.4:3.11 Dandhaṁ denti, no sīghaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.
sn16.4:3.12 Asakkaccaṁ denti, no sakkaccaṁ; tena bhikkhu na sandīyati; so na tatonidānaṁ dukkhaṁ domanassaṁ paṭisaṁvedayati.
sn16.4:3.13 Evarūpo kho, bhikkhave, bhikkhu arahati kulūpako hotuṁ.