sn12.68:1.1 Ekaṁ samayaṁ āyasmā ca musilo āyasmā ca paviṭṭho āyasmā ca nārado āyasmā ca ānando kosambiyaṁ viharanti ghositārāme.
BAGIAN 1
sn12.68:1.2 Atha kho āyasmā paviṭṭho āyasmantaṁ musilaṁ etadavoca:
sn12.68:1.3 “aññatreva, āvuso musila, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā atthāyasmato musilassa paccattameva ñāṇaṁ:
sn12.68:1.4 ‘jātipaccayā jarāmaraṇan’”ti?
sn12.68:1.5 “Aññatreva, āvuso paviṭṭha, saddhāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā ahametaṁ jānāmi ahametaṁ passāmi:
sn12.68:1.6 ‘jātipaccayā jarāmaraṇan’”ti.