Nagarasutta

sn12.65:1.1 Sāvatthiyaṁ viharati.

sn12.65:1.2 “Pubbe me, bhikkhave, sambodhā anabhisambuddhassa bodhisattasseva sato etadahosi:

sn12.65:1.3 ‘kicchā vatāyaṁ loko āpanno jāyati ca jīyati ca mīyati ca cavati ca upapajjati ca.

sn12.65:1.4 Atha ca panimassa dukkhassa nissaraṇaṁ nappajānāti jarāmaraṇassa.

sn12.65:1.5 Kudāssu nāma imassa dukkhassa nissaraṇaṁ paññāyissati jarāmaraṇassā’ti?

sn12.65:1.6 Tassa mayhaṁ, bhikkhave, etadahosi:

sn12.65:1.7 ‘kimhi nu kho sati jarāmaraṇaṁ hoti, kiṁpaccayā jarāmaraṇan’ti?

sn12.65:1.8 Tassa mayhaṁ, bhikkhave, yoniso manasikārā ahu paññāya abhisamayo:

sn12.65:1.9 ‘jātiyā kho sati jarāmaraṇaṁ hoti, jātipaccayā jarāmaraṇan’ti.