Nidānasutta

sn12.60:6.1 Seyyathāpi, ānanda, mahārukkho.

sn12.60:6.2 Atha puriso āgaccheyya kuddālapiṭakaṁ ādāya.

sn12.60:6.3 So taṁ rukkhaṁ mūle chindeyya, mūle chetvā palikhaṇeyya, palikhaṇitvā mūlāni uddhareyya antamaso usīranāḷimattānipi.

sn12.60:6.4 So taṁ rukkhaṁ khaṇḍākhaṇḍikaṁ chindeyya.

sn12.60:6.5 Khaṇḍākhaṇḍikaṁ chinditvā phāleyya;

sn12.60:6.6 phāletvā sakalikaṁ sakalikaṁ kareyya, sakalikaṁ sakalikaṁ karitvā vātātape visoseyya, vātātape visosetvā agginā ḍaheyya, agginā ḍahetvā masiṁ kareyya, masiṁ karitvā mahāvāte vā ophuṇeyya, nadiyā vā sīghasotāya pavāheyya.

sn12.60:6.7 Evañhi so, ānanda, mahārukkho ucchinnamūlo assa tālāvatthukato anabhāvaṅkato āyatiṁ anuppādadhammo.

sn12.60:6.8 Evameva kho, ānanda, upādāniyesu dhammesu ādīnavānupassino viharato taṇhā nirujjhati.

sn12.60:6.9 Taṇhānirodhā upādānanirodho;

sn12.60:6.10 upādānanirodhā bhavanirodho;

sn12.60:6.11 bhavanirodhā jātinirodho;

sn12.60:6.12 jātinirodhā jarāmaraṇaṁ sokaparidevadukkhadomanassupāyāsā nirujjhanti.

sn12.60:6.13 Evametassa kevalassa dukkhakkhandhassa nirodho hotī”ti.

sn12.60:6.14 Dasamaṁ.

sn12.60:6.15 Dukkhavaggo chaṭṭho.