sn12.19:6.1 Yāya ca, bhikkhave, avijjāya nivutassa paṇḍitassa yāya ca taṇhāya sampayuttassa ayaṁ kāyo samudāgato, sā ceva avijjā paṇḍitassa pahīnā, sā ca taṇhā parikkhīṇā.
BAGIAN 6
sn12.19:6.2 Taṁ kissa hetu?
sn12.19:6.3 Acari, bhikkhave, paṇḍito brahmacariyaṁ sammā dukkhakkhayāya.
sn12.19:6.4 Tasmā paṇḍito kāyassa bhedā na kāyūpago hoti.
sn12.19:6.5 So akāyūpago samāno parimuccati jātiyā jarāmaraṇena sokehi paridevehi dukkhehi domanassehi upāyāsehi.
sn12.19:6.6 ‘Parimuccati dukkhasmā’ti vadāmi.
sn12.19:6.7 Ayaṁ kho, bhikkhave, viseso, ayaṁ adhippayāso, idaṁ nānākaraṇaṁ paṇḍitassa bālena yadidaṁ brahmacariyavāso”ti.
sn12.19:6.8 Navamaṁ.