Nadubbhiyasutta

sn11.7:1.1 Sāvatthiyaṁ.

sn11.7:1.2 “Bhūtapubbaṁ, bhikkhave, sakkassa devānamindassa rahogatassa paṭisallīnassa evaṁ cetaso parivitakko udapādi:

sn11.7:1.3 ‘yopi me assa supaccatthiko tassapāhaṁ na dubbheyyan’ti.

sn11.7:1.4 Atha kho, bhikkhave, vepacitti asurindo sakkassa devānamindassa cetasā cetoparivitakkamaññāya yena sakko devānamindo tenupasaṅkami.

sn11.7:1.5 Addasā kho, bhikkhave, sakko devānamindo vepacittiṁ asurindaṁ dūratova āgacchantaṁ.

sn11.7:1.6 Disvāna vepacittiṁ asurindaṁ etadavoca:

sn11.7:1.7 ‘tiṭṭha, vepacitti, gahitosī’ti.