Piyajātikasutta

mn87:26.1 Taṁ kiṁ maññasi, mahārāja, piyo te viṭaṭūbho senāpatī”ti?

mn87:26.2 “Evaṁ, mallike, piyo me viṭaṭūbho senāpatī”ti.

mn87:26.3 “Taṁ kiṁ maññasi, mahārāja, viṭaṭūbhassa te senāpatissa vipariṇāmaññathābhāvā uppajjeyyuṁ sokaparidevadukkhadomanassupāyāsā”ti?

mn87:26.4 “Viṭaṭūbhassa me, mallike, senāpatissa vipariṇāmaññathābhāvā jīvitassapi siyā aññathattaṁ, kiṁ pana me na uppajjissanti sokaparidevadukkhadomanassupāyāsā”ti?

mn87:26.5 “Idaṁ kho taṁ, mahārāja, tena bhagavatā jānatā passatā arahatā sammāsambuddhena sandhāya bhāsitaṁ:

mn87:26.6 ‘piyajātikā sokaparidevadukkhadomanassupāyāsā piyappabhavikā’ti.