mn87:22.1 Bhūtapubbaṁ, brāhmaṇa, imissāyeva sāvatthiyā aññatarā itthī ñātikulaṁ agamāsi.
BAGIAN 22
mn87:22.2 Tassā te ñātakā sāmikaṁ acchinditvā aññassa dātukāmā.
mn87:22.3 Sā ca taṁ na icchati.
mn87:22.4 Atha kho sā itthī sāmikaṁ etadavoca:
mn87:22.5 ‘ime, maṁ, ayyaputta, ñātakā tvaṁ acchinditvā aññassa dātukāmā.
mn87:22.6 Ahañca taṁ na icchāmī’ti.
mn87:22.7 Atha kho so puriso taṁ itthiṁ dvidhā chetvā attānaṁ upphālesi:
mn87:22.8 ‘ubho pecca bhavissāmā’ti.
mn87:22.9 Imināpi kho etaṁ, brāhmaṇa, pariyāyena veditabbaṁ yathā piyajātikā sokaparidevadukkhadomanassupāyāsā piyappabhavikā”ti.