mn85:7.1 Tena kho pana samayena bodhi rājakumāro bahidvārakoṭṭhake ṭhito hoti bhagavantaṁ āgamayamāno.
BAGIAN 7
mn85:7.2 Addasā kho bodhi rājakumāro bhagavantaṁ dūratova āgacchantaṁ.
mn85:7.3 Disvāna paccuggantvā bhagavantaṁ abhivādetvā purakkhatvā yena kokanado pāsādo tenupasaṅkami.
mn85:7.4 Atha kho bhagavā pacchimaṁ sopānakaḷevaraṁ nissāya aṭṭhāsi.
mn85:7.5 Atha kho bodhi rājakumāro bhagavantaṁ etadavoca:
mn85:7.6 “abhiruhatu, bhante, bhagavā dussāni, abhiruhatu sugato dussāni;
mn85:7.7 yaṁ mama assa dīgharattaṁ hitāya sukhāyā”ti.
mn85:7.8 Evaṁ vutte, bhagavā tuṇhī ahosi.
mn85:7.9 Dutiyampi kho …pe…
mn85:7.10 tatiyampi kho bodhi rājakumāro bhagavantaṁ etadavoca:
mn85:7.11 “abhiruhatu, bhante, bhagavā dussāni, abhiruhatu sugato dussāni;
mn85:7.12 yaṁ mama assa dīgharattaṁ hitāya sukhāyā”ti.
mn85:7.13 Atha kho bhagavā āyasmantaṁ ānandaṁ apalokesi.
mn85:7.14 Atha kho āyasmā ānando bodhiṁ rājakumāraṁ etadavoca:
mn85:7.15 “saṁharatu, rājakumāra, dussāni;
mn85:7.16 na bhagavā celapaṭikaṁ akkamissati.
mn85:7.17 Pacchimaṁ janataṁ tathāgato anukampatī”ti.