Tokoh · Visual menyusul
Buddha
Guru yang menggunakan perumpamaan sederhana agar para pendengar memahami hubungan antara batin dan latihan.
BAGIAN 20
mn7:20.1 Atha kho bhagavā sundarikabhāradvājaṁ brāhmaṇaṁ gāthāhi ajjhabhāsi:
mn7:20.2 “Bāhukaṁ adhikakkañca,
mn7:20.3 gayaṁ sundarikaṁ mapi;
mn7:20.4 Sarassatiṁ payāgañca,
mn7:20.5 atho bāhumatiṁ nadiṁ;
mn7:20.6 Niccampi bālo pakkhando,
mn7:20.7 kaṇhakammo na sujjhati.
mn7:20.8 Kiṁ sundarikā karissati,
mn7:20.9 Kiṁ payāgā kiṁ bāhukā nadī;
mn7:20.10 Veriṁ katakibbisaṁ naraṁ,
mn7:20.11 Na hi naṁ sodhaye pāpakamminaṁ.
mn7:20.12 Suddhassa ve sadā phaggu,
mn7:20.13 Suddhassuposatho sadā;
mn7:20.14 Suddhassa sucikammassa,
mn7:20.15 Sadā sampajjate vataṁ;
mn7:20.16 Idheva sināhi brāhmaṇa,
mn7:20.17 Sabbabhūtesu karohi khemataṁ.
mn7:20.18 Sace musā na bhaṇasi,
mn7:20.19 sace pāṇaṁ na hiṁsasi;
mn7:20.20 Sace adinnaṁ nādiyasi,
mn7:20.21 saddahāno amaccharī;
mn7:20.22 Kiṁ kāhasi gayaṁ gantvā,
mn7:20.23 udapānopi te gayā”ti.