mn75:24.1 Evameva kho, māgaṇḍiya, ahañce te dhammaṁ deseyyaṁ:
BAGIAN 24
mn75:24.2 ‘idantaṁ ārogyaṁ, idantaṁ nibbānan’ti.
mn75:24.3 So tvaṁ ārogyaṁ jāneyyāsi, nibbānaṁ passeyyāsi.
mn75:24.4 Tassa te saha cakkhuppādā yo pañcasupādānakkhandhesu chandarāgo so pahīyetha;
mn75:24.5 api ca te evamassa:
mn75:24.6 ‘dīgharattaṁ vata bho ahaṁ iminā cittena nikato vañcito paluddho.
mn75:24.7 Ahañhi rūpaṁyeva upādiyamāno upādiyiṁ, vedanaṁyeva upādiyamāno upādiyiṁ, saññaṁyeva upādiyamāno upādiyiṁ, saṅkhāreyeva upādiyamāno upādiyiṁ, viññāṇaṁyeva upādiyamāno upādiyiṁ.
mn75:24.8 Tassa me upādānapaccayā bhavo, bhavapaccayā jāti, jātipaccayā jarāmaraṇaṁ sokaparidevadukkhadomanassupāyāsā sambhavanti;
mn75:24.9 evametassa kevalassa dukkhakkhandhassa samudayo hotī’”ti.