Tevijjavacchasutta

mn71:4.1 Addasā kho vacchagotto paribbājako bhagavantaṁ dūratova āgacchantaṁ.

mn71:4.2 Disvāna bhagavantaṁ etadavoca:

mn71:4.3 “Etu kho, bhante, bhagavā.

mn71:4.4 Svāgataṁ, bhante, bhagavato.

mn71:4.5 Cirassaṁ kho, bhante, bhagavā imaṁ pariyāyamakāsi yadidaṁ idhāgamanāya.

mn71:4.6 Nisīdatu, bhante, bhagavā idamāsanaṁ paññattan”ti.

mn71:4.7 Nisīdi bhagavā paññatte āsane.

mn71:4.8 Vacchagottopi kho paribbājako aññataraṁ nīcaṁ āsanaṁ gahetvā ekamantaṁ nisīdi.

mn71:4.9 Ekamantaṁ nisinno kho vacchagotto paribbājako bhagavantaṁ etadavoca: