mn53:8.1 Kathañca, mahānāma, ariyasāvako indriyesu guttadvāro hoti?
BAGIAN 8
mn53:8.2 Idha, mahānāma, ariyasāvako cakkhunā rūpaṁ disvā na nimittaggāhī hoti nānubyañjanaggāhī.
mn53:8.3 Yatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati.
mn53:8.4 Sotena saddaṁ sutvā …pe…
mn53:8.5 ghānena gandhaṁ ghāyitvā …pe…
mn53:8.6 jivhāya rasaṁ sāyitvā …pe…
mn53:8.7 kāyena phoṭṭhabbaṁ phusitvā …pe…
mn53:8.8 manasā dhammaṁ viññāya na nimittaggāhī hoti nānubyañjanaggāhī.
mn53:8.9 Yatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.
mn53:8.10 Evaṁ kho, mahānāma, ariyasāvako indriyesu guttadvāro hoti.