mn46:21.1 Seyyathāpi, bhikkhave, dadhi ca madhu ca sappi ca phāṇitañca ekajjhaṁ saṁsaṭṭhaṁ.
BAGIAN 21
mn46:21.2 Atha puriso āgaccheyya lohitapakkhandiko.
mn46:21.3 Tamenaṁ evaṁ vadeyyuṁ:
mn46:21.4 ‘ambho purisa, idaṁ dadhi ca madhu ca sappi ca phāṇitañca ekajjhaṁ saṁsaṭṭhaṁ, sace ākaṅkhasi piva.
mn46:21.5 Tassa te pivato ceva chādessati vaṇṇenapi gandhenapi rasenapi, pivitvā ca pana sukhī bhavissasī’ti.
mn46:21.6 So taṁ paṭisaṅkhāya piveyya, nappaṭinissajjeyya.
mn46:21.7 Tassa taṁ pivato ceva chādeyya vaṇṇenapi gandhenapi rasenapi, pivitvā ca pana sukhī assa.
mn46:21.8 Tathūpamāhaṁ, bhikkhave, imaṁ dhammasamādānaṁ vadāmi, yamidaṁ dhammasamādānaṁ paccuppannasukhañceva āyatiñca sukhavipākaṁ.