mn44:7.1 “Kathaṁ panāyye, sakkāyadiṭṭhi hotī”ti?
BAGIAN 7
mn44:7.2 “Idhāvuso visākha, assutavā puthujjano, ariyānaṁ adassāvī ariyadhammassa akovido ariyadhamme avinīto, sappurisānaṁ adassāvī sappurisadhammassa akovido sappurisadhamme avinīto,
mn44:7.3 rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ.
mn44:7.4 Vedanaṁ …pe…
mn44:7.5 saññaṁ …
mn44:7.6 saṅkhāre …
mn44:7.7 viññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.
mn44:7.8 Evaṁ kho, āvuso visākha, sakkāyadiṭṭhi hotī”ti.