mn32:17.1 Evaṁ vutte, āyasmā sāriputto bhagavantaṁ etadavoca:
BAGIAN 17
mn32:17.2 “kassa nu kho, bhante, subhāsitan”ti?
mn32:17.3 “Sabbesaṁ vo, sāriputta, subhāsitaṁ pariyāyena.
mn32:17.4 Api ca mamapi suṇātha yathārūpena bhikkhunā gosiṅgasālavanaṁ sobheyya.
mn32:17.5 Idha, sāriputta, bhikkhu pacchābhattaṁ piṇḍapātapaṭikkanto nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā:
mn32:17.6 ‘na tāvāhaṁ imaṁ pallaṅkaṁ bhindissāmi yāva me nānupādāya āsavehi cittaṁ vimuccissatī’ti.
mn32:17.7 Evarūpena kho, sāriputta, bhikkhunā gosiṅgasālavanaṁ sobheyyā”ti.
mn32:17.8 Idamavoca bhagavā.
mn32:17.9 Attamanā te āyasmanto bhagavato bhāsitaṁ abhinandunti.
mn32:17.10 Mahāgosiṅgasuttaṁ niṭṭhitaṁ dutiyaṁ.