‹
MN 29

Mahāsāropamasutta

Khotbah tentang Perumpamaan Inti Kayu yang Lebih Panjang

Majjhima Nikāya · Terjemahan Indonesia Tiga Keranjang

KENALI DUNIA MN 29

Tokoh, tempat, dan gagasan utamanya

Tak lama setelah Devadatta meninggalkan Sangha, Buddha mengajarkan Mahāsāropama Sutta: perumpamaan orang yang mencari inti kayu namun berhenti puas hanya pada dahan, ranting, atau kulit kayu — melambangkan pencapaian spiritual yang disalahartikan sebagai tujuan akhir.

Potret Buddha
TOKOH

Buddha

Guru yang mengajarkan perumpamaan mencari inti kayu tak lama setelah Devadatta meninggalkan Sangha.

TEMPAT

Puncak Nasar (Rājagaha)

Gunung dekat Rājagaha, tempat Buddha mengajar tak lama setelah Devadatta meninggalkan Sangha.

KONSEP

Mencari inti kayu

Seorang pencari inti kayu yang puas hanya membawa pulang dahan, ranting, atau kulit kayu telah menipu dirinya sendiri — begitu pula yang berhenti pada pencapaian awal dan menganggapnya tujuan akhir.

Visual pengantar Tiga Keranjang · bukan bagian dari teks kanonik.

Sinopsis singkat

Buddha berbicara setelah Devadatta meninggalkan komunitas karena dikuasai keinginan akan keuntungan dan kedudukan. Ia membandingkan kehidupan suci dengan seseorang yang pergi mencari inti kayu. Ada orang yang berhenti setelah memperoleh ranting dan daun—ibarat puas dengan keuntungan dan penghormatan; ada yang berhenti pada kulit luar, kulit dalam, atau kayu lunak—ibarat puas dengan sila, konsentrasi, atau pengetahuan tertentu. Orang yang memahami tujuan perjalanan tidak berhenti pada hasil-hasil antara tersebut, melainkan terus mencari inti. Melalui perumpamaan itu Buddha mengingatkan bahwa tujuan kehidupan suci bukan reputasi atau pencapaian sementara, tetapi pembebasan batin yang tidak tergoyahkan.

BAGIAN 5

mn29:5.1 Idha pana, bhikkhave, ekacco kulaputto saddhā agārasmā anagāriyaṁ pabbajito hoti:

mn29:5.2 ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,

mn29:5.3 appeva nāma imassa kevalassa dukkhakkhandhassa antakiriyā paññāyethā’ti.

mn29:5.4 So evaṁ pabbajito samāno lābhasakkārasilokaṁ abhinibbatteti.

mn29:5.5 So tena lābhasakkārasilokena na attamano hoti na paripuṇṇasaṅkappo.

mn29:5.6 So tena lābhasakkārasilokena na attānukkaṁseti, na paraṁ vambheti.

mn29:5.7 So tena lābhasakkārasilokena na majjati nappamajjati na pamādaṁ āpajjati.

mn29:5.8 Appamatto samāno sīlasampadaṁ ārādheti.

mn29:5.9 So tāya sīlasampadāya attamano hoti, no ca kho paripuṇṇasaṅkappo.

mn29:5.10 So tāya sīlasampadāya na attānukkaṁseti, na paraṁ vambheti.

mn29:5.11 So tāya sīlasampadāya na majjati nappamajjati na pamādaṁ āpajjati, appamatto samāno samādhisampadaṁ ārādheti.

mn29:5.12 So tāya samādhisampadāya attamano hoti, no ca kho paripuṇṇasaṅkappo.

mn29:5.13 So tāya samādhisampadāya na attānukkaṁseti, na paraṁ vambheti.

mn29:5.14 So tāya samādhisampadāya na majjati nappamajjati na pamādaṁ āpajjati appamatto samāno ñāṇadassanaṁ ārādheti.

mn29:5.15 So tena ñāṇadassanena attamano hoti paripuṇṇasaṅkappo.

mn29:5.16 So tena ñāṇadassanena attānukkaṁseti, paraṁ vambheti:

mn29:5.17 ‘ahamasmi jānaṁ passaṁ viharāmi.

mn29:5.18 Ime panaññe bhikkhū ajānaṁ apassaṁ viharantī’ti.

mn29:5.19 So tena ñāṇadassanena majjati pamajjati pamādaṁ āpajjati, pamatto samāno dukkhaṁ viharati.

mn29:5.20 Seyyathāpi, bhikkhave, puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ phegguṁ chetvā ādāya pakkameyya ‘sāran’ti maññamāno.

mn29:5.21 Tamenaṁ cakkhumā puriso disvā evaṁ vadeyya:

mn29:5.22 ‘na vatāyaṁ bhavaṁ puriso aññāsi sāraṁ na aññāsi phegguṁ na aññāsi tacaṁ na aññāsi papaṭikaṁ na aññāsi sākhāpalāsaṁ.

mn29:5.23 Tathā hayaṁ bhavaṁ puriso sāratthiko sāragavesī sārapariyesanaṁ caramāno mahato rukkhassa tiṭṭhato sāravato atikkammeva sāraṁ phegguṁ chetvā ādāya pakkanto “sāran”ti maññamāno.

mn29:5.24 Yañcassa sārena sārakaraṇīyaṁ tañcassa atthaṁ nānubhavissatī’ti.

mn29:5.25 Evameva kho, bhikkhave, idhekacco kulaputto saddhā agārasmā anagāriyaṁ pabbajito hoti:

mn29:5.26 ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto,

mn29:5.27 appeva nāma imassa kevalassa dukkhakkhandhassa antakiriyā paññāyethā’ti.

mn29:5.28 So evaṁ pabbajito samāno lābhasakkārasilokaṁ abhinibbatteti.

mn29:5.29 So tena lābhasakkārasilokena na attamano hoti na paripuṇṇasaṅkappo.

mn29:5.30 So tena lābhasakkārasilokena na attānukkaṁseti, na paraṁ vambheti.

mn29:5.31 So tena lābhasakkārasilokena na majjati nappamajjati na pamādaṁ āpajjati, appamatto samāno sīlasampadaṁ ārādheti.

mn29:5.32 So tāya sīlasampadāya attamano hoti, no ca kho paripuṇṇasaṅkappo.

mn29:5.33 So tāya sīlasampadāya na attānukkaṁseti, na paraṁ vambheti.

mn29:5.34 So tāya sīlasampadāya na majjati nappamajjati na pamādaṁ āpajjati, appamatto samāno samādhisampadaṁ ārādheti.

mn29:5.35 So tāya samādhisampadāya attamano hoti, no ca kho paripuṇṇasaṅkappo.

mn29:5.36 So tāya samādhisampadāya na attānukkaṁseti, na paraṁ vambheti.

mn29:5.37 So tāya samādhisampadāya na majjati nappamajjati na pamādaṁ āpajjati, appamatto samāno ñāṇadassanaṁ ārādheti.

mn29:5.38 So tena ñāṇadassanena attamano hoti paripuṇṇasaṅkappo.

mn29:5.39 So tena ñāṇadassanena attānukkaṁseti, paraṁ vambheti:

mn29:5.40 ‘ahamasmi jānaṁ passaṁ viharāmi, ime panaññe bhikkhū ajānaṁ apassaṁ viharantī’ti.

mn29:5.41 So tena ñāṇadassanena majjati pamajjati pamādaṁ āpajjati, pamatto samāno dukkhaṁ viharati.

mn29:5.42 Ayaṁ vuccati, bhikkhave, bhikkhu phegguṁ aggahesi brahmacariyassa;

TEKS DI TIGA KERANJANG
IndonesiaTersedia
PāliTeks kanonik tersedia ↗
EnglishTerjemahan pembanding tersedia ↗

Terjemahan Indonesia Tiga Keranjang dibuat dengan bantuan AI dan disajikan bersama teks Pāli serta English untuk memudahkan pembacaan dan perbandingan.