mn151:21.1 Ye hi keci, sāriputta, atītamaddhānaṁ samaṇā vā brāhmaṇā vā piṇḍapātaṁ parisodhesuṁ, sabbe te evameva paccavekkhitvā paccavekkhitvā piṇḍapātaṁ parisodhesuṁ.
BAGIAN 21
mn151:21.2 Yepi hi keci, sāriputta, anāgatamaddhānaṁ samaṇā vā brāhmaṇā vā piṇḍapātaṁ parisodhessanti, sabbe te evameva paccavekkhitvā paccavekkhitvā piṇḍapātaṁ parisodhessanti.
mn151:21.3 Yepi hi keci, sāriputta, etarahi samaṇā vā brāhmaṇā vā piṇḍapātaṁ parisodhenti, sabbe te evameva paccavekkhitvā paccavekkhitvā piṇḍapātaṁ parisodhenti.
mn151:21.4 Tasmātiha, sāriputta, ‘paccavekkhitvā paccavekkhitvā piṇḍapātaṁ parisodhessāmā’ti—
mn151:21.5 evañhi vo, sāriputta, sikkhitabban”ti.
mn151:21.6 Idamavoca bhagavā.
mn151:21.7 Attamano āyasmā sāriputto bhagavato bhāsitaṁ abhinandīti.
mn151:21.8 Piṇḍapātapārisuddhisuttaṁ niṭṭhitaṁ navamaṁ.