mn147:3.1 “Taṁ kiṁ maññasi, rāhula,
BAGIAN 3
mn147:3.2 rūpā niccā vā aniccā vā”ti?
mn147:3.3 “Aniccā, bhante”.
mn147:3.4 “Yaṁ panāniccaṁ dukkhaṁ vā taṁ sukhaṁ vā”ti?
mn147:3.5 “Dukkhaṁ, bhante”.
mn147:3.6 “Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:
mn147:3.7 ‘etaṁ mama, esohamasmi, eso me attā’”ti?
mn147:3.8 “No hetaṁ, bhante”.
mn147:3.9 “Taṁ kiṁ maññasi, rāhula,
mn147:3.10 cakkhuviññāṇaṁ niccaṁ vā aniccaṁ vā”ti?
mn147:3.11 “Aniccaṁ, bhante”.
mn147:3.12 “Yaṁ panāniccaṁ dukkhaṁ vā taṁ sukhaṁ vā”ti?
mn147:3.13 “Dukkhaṁ, bhante”.
mn147:3.14 “Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:
mn147:3.15 ‘etaṁ mama, esohamasmi, eso me attā’”ti?
mn147:3.16 “No hetaṁ, bhante”.
mn147:3.17 “Taṁ kiṁ maññasi, rāhula,
mn147:3.18 cakkhusamphasso nicco vā anicco vā”ti?
mn147:3.19 “Anicco, bhante”.
mn147:3.20 “Yaṁ panāniccaṁ dukkhaṁ vā taṁ sukhaṁ vā”ti?
mn147:3.21 “Dukkhaṁ, bhante”.
mn147:3.22 “Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:
mn147:3.23 ‘etaṁ mama, esohamasmi, eso me attā’”ti?
mn147:3.24 “No hetaṁ, bhante”.
mn147:3.25 “Taṁ kiṁ maññasi, rāhula,
mn147:3.26 yamidaṁ cakkhusamphassapaccayā uppajjati vedanāgataṁ saññāgataṁ saṅkhāragataṁ viññāṇagataṁ tampi niccaṁ vā aniccaṁ vā”ti?
mn147:3.27 “Aniccaṁ, bhante”.
mn147:3.28 “Yaṁ panāniccaṁ dukkhaṁ vā taṁ sukhaṁ vā”ti?
mn147:3.29 “Dukkhaṁ, bhante”.
mn147:3.30 “Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:
mn147:3.31 ‘etaṁ mama, esohamasmi, eso me attā’”ti?
mn147:3.32 “No hetaṁ, bhante”.