mn136:6.1 Evaṁ vutte, āyasmā udāyī bhagavantaṁ etadavoca:
BAGIAN 6
mn136:6.2 “sace pana, bhante, āyasmatā samiddhinā idaṁ sandhāya bhāsitaṁ—
mn136:6.3 yaṁ kiñci vedayitaṁ taṁ dukkhasmin”ti.
mn136:6.4 Atha kho bhagavā āyasmantaṁ ānandaṁ āmantesi:
mn136:6.5 “passasi no tvaṁ, ānanda, imassa udāyissa moghapurisassa ummaṅgaṁ?
mn136:6.6 Aññāsiṁ kho ahaṁ, ānanda:
mn136:6.7 ‘idānevāyaṁ udāyī moghapuriso ummujjamāno ayoniso ummujjissatī’ti.
mn136:6.8 Ādiṁyeva, ānanda, potaliputtena paribbājakena tisso vedanā pucchitā.
mn136:6.9 Sacāyaṁ, ānanda, samiddhi moghapuriso potaliputtassa paribbājakassa evaṁ puṭṭho evaṁ byākareyya:
mn136:6.10 ‘sañcetanikaṁ, āvuso potaliputta, kammaṁ katvā kāyena vācāya manasā sukhavedanīyaṁ sukhaṁ so vedayati;
mn136:6.11 sañcetanikaṁ, āvuso potaliputta, kammaṁ katvā kāyena vācāya manasā dukkhavedanīyaṁ dukkhaṁ so vedayati;
mn136:6.12 sañcetanikaṁ, āvuso potaliputta, kammaṁ katvā kāyena vācāya manasā adukkhamasukhavedanīyaṁ adukkhamasukhaṁ so vedayatī’ti.
mn136:6.13 Evaṁ byākaramāno kho, ānanda, samiddhi moghapuriso potaliputtassa paribbājakassa sammā byākaramāno byākareyya.
mn136:6.14 Api ca, ānanda, ke ca aññatitthiyā paribbājakā bālā abyattā ke ca tathāgatassa mahākammavibhaṅgaṁ jānissanti?
mn136:6.15 Sace tumhe, ānanda, suṇeyyātha tathāgatassa mahākammavibhaṅgaṁ vibhajantassā”ti.