mn129:36.1 Puna caparaṁ, bhikkhave, rañño cakkavattissa hatthiratanaṁ pātubhavati—
BAGIAN 36
mn129:36.2 sabbaseto sattappatiṭṭho iddhimā vehāsaṅgamo uposatho nāma nāgarājā.
mn129:36.3 Taṁ disvāna rañño cakkavattissa cittaṁ pasīdati:
mn129:36.4 ‘bhaddakaṁ vata bho hatthiyānaṁ, sace damathaṁ upeyyā’ti.
mn129:36.5 Atha kho taṁ, bhikkhave, hatthiratanaṁ seyyathāpi nāma bhaddo hatthājānīyo dīgharattaṁ suparidanto evameva damathaṁ upeti.
mn129:36.6 Bhūtapubbaṁ, bhikkhave, rājā cakkavattī tameva hatthiratanaṁ vīmaṁsamāno pubbaṇhasamayaṁ abhiruhitvā samuddapariyantaṁ pathaviṁ anusaṁyāyitvā tameva rājadhāniṁ paccāgantvā pātarāsamakāsi.
mn129:36.7 Rañño, bhikkhave, cakkavattissa evarūpaṁ hatthiratanaṁ pātubhavati.