mn101:31.1 Taṁ dhammaṁ suṇāti gahapati vā gahapatiputto vā aññatarasmiṁ vā kule paccājāto.
BAGIAN 31
mn101:31.2 So taṁ dhammaṁ sutvā tathāgate saddhaṁ paṭilabhati.
mn101:31.3 So tena saddhāpaṭilābhena samannāgato iti paṭisañcikkhati:
mn101:31.4 ‘sambādho gharāvāso rajāpatho, abbhokāso pabbajjā.
mn101:31.5 Nayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.
mn101:31.6 Yannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan’ti.
mn101:31.7 So aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya, appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati.