ud8.6:17.1 “Ke nu kho, ānanda, pāṭaligāme nagaraṁ māpentī”ti.
BAGIAN 17
ud8.6:17.2 “Sunidhavassakārā, bhante, magadhamahāmattā pāṭaligāme nagaraṁ māpenti vajjīnaṁ paṭibāhāyā”ti.
ud8.6:17.3 “Seyyathāpi, ānanda, devehi tāvatiṁsehi saddhiṁ mantetvā;
ud8.6:17.4 evamevaṁ kho, ānanda, sunidhavassakārā magadhamahāmattā pāṭaligāme nagaraṁ māpenti vajjīnaṁ paṭibāhāya.
ud8.6:17.5 Idhāhaṁ, ānanda, addasaṁ dibbena cakkhunā visuddhena atikkantamānusakena sambahulā devatāyo sahassasahasseva pāṭaligāme vatthūni pariggaṇhantiyo.
ud8.6:17.6 Yasmiṁ padese mahesakkhā devatā vatthūni pariggaṇhanti mahesakkhānaṁ tattha raññaṁ rājamahāmattānaṁ cittāni namanti nivesanāni māpetuṁ.
ud8.6:17.7 Yasmiṁ padese majjhimā devatā vatthūni pariggaṇhanti majjhimānaṁ tattha raññaṁ rājamahāmattānaṁ cittāni namanti nivesanāni māpetuṁ.
ud8.6:17.8 Yasmiṁ padese nīcā devatā vatthūni pariggaṇhanti nīcānaṁ tattha raññaṁ rājamahāmattānaṁ cittāni namanti nivesanāni māpetuṁ.
ud8.6:17.9 Yāvatā, ānanda, ariyaṁ āyatanaṁ yāvatā vaṇippatho idaṁ agganagaraṁ bhavissati pāṭaliputtaṁ puṭabhedanaṁ.
ud8.6:17.10 Pāṭaliputtassa kho, ānanda, tayo antarāyā bhavissanti—
ud8.6:17.11 aggito vā udakato vā mithubhedato vā”ti.