Paṭhamanānātitthiyasutta

ud6.4:17.1 Bhūtapubbaṁ, bhikkhave, imissāyeva sāvatthiyā aññataro rājā ahosi.

ud6.4:17.2 Atha kho, bhikkhave, so rājā aññataraṁ purisaṁ āmantesi:

ud6.4:17.3 ‘ehi tvaṁ, ambho purisa, yāvatakā sāvatthiyā jaccandhā te sabbe ekajjhaṁ sannipātehī’ti.

ud6.4:17.4 ‘Evaṁ, devā’ti kho, bhikkhave, so puriso tassa rañño paṭissutvā yāvatakā sāvatthiyā jaccandhā te sabbe gahetvā yena so rājā tenupasaṅkami; upasaṅkamitvā taṁ rājānaṁ etadavoca:

ud6.4:17.5 ‘sannipātitā kho te, deva, yāvatakā sāvatthiyā jaccandhā’ti.

ud6.4:17.6 ‘Tena hi, bhaṇe, jaccandhānaṁ hatthiṁ dassehī’ti.

ud6.4:17.7 ‘Evaṁ, devā’ti kho, bhikkhave, so puriso tassa rañño paṭissutvā jaccandhānaṁ hatthiṁ dassesi—