Visākhāsutta

ud2.9:2.1 Atha kho visākhā migāramātā divā divassa yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.

ud2.9:2.2 Ekamantaṁ nisinnaṁ kho visākhaṁ migāramātaraṁ bhagavā etadavoca:

ud2.9:2.3 “handa kuto nu tvaṁ, visākhe, āgacchasi divā divassā”ti?

ud2.9:2.4 “Idha me, bhante, kocideva attho raññe pasenadimhi kosale paṭibaddho;

ud2.9:2.5 taṁ rājā pasenadi kosalo na yathādhippāyaṁ tīretī”ti.