Upāsakasutta

ud2.5:1.1 Evaṁ me sutaṁ—

ud2.5:1.2 ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.

ud2.5:1.3 Tena kho pana samayena aññataro icchānaṅgalako upāsako sāvatthiṁ anuppatto hoti kenacideva karaṇīyena.

ud2.5:1.4 Atha kho so upāsako sāvatthiyaṁ taṁ karaṇīyaṁ tīretvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.

ud2.5:1.5 Ekamantaṁ nisinnaṁ kho taṁ upāsakaṁ bhagavā etadavoca:

ud2.5:1.6 “cirassaṁ kho tvaṁ, upāsaka, imaṁ pariyāyamakāsi yadidaṁ idhāgamanāyā”ti.