snp2.12:1.1 Evaṁ me sutaṁ—
BAGIAN 1
snp2.12:1.2 ekaṁ samayaṁ bhagavā āḷaviyaṁ viharati aggāḷave cetiye.
snp2.12:1.3 Tena kho pana samayena āyasmato vaṅgīsassa upajjhāyo nigrodhakappo nāma thero aggāḷave cetiye aciraparinibbuto hoti.
snp2.12:1.4 Atha kho āyasmato vaṅgīsassa rahogatassa paṭisallīnassa evaṁ cetaso parivitakko udapādi—
snp2.12:1.5 parinibbuto nu kho me upajjhāyo udāhu no parinibbutoti?
snp2.12:1.6 Atha kho āyasmā vaṅgīso sāyanhasamayaṁ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā vaṅgīso bhagavantaṁ etadavoca—
snp2.12:1.7 idha mayhaṁ, bhante, rahogatassa paṭisallīnassa evaṁ cetaso parivitakko udapādi—
snp2.12:1.8 parinibbuto nu kho me upajjhāyo, udāhu no parinibbutoti.
snp2.12:1.9 Atha kho āyasmā vaṅgīso uṭṭhāyāsanā ekaṁsaṁ cīvaraṁ katvā yena bhagavā tenañjaliṁ paṇāmetvā bhagavantaṁ gāthāya ajjhabhāsi: