2.2. Saccakathā

ps2.2:20.1 Saccānaṁ kati lakkhaṇāni?

ps2.2:20.2 Saccānaṁ dvādasa lakkhaṇāni.

ps2.2:20.3 Dukkhasaccassa uppādo paññāyati, vayo paññāyati, ṭhitassa aññathattaṁ paññāyati;

ps2.2:20.4 samudayasaccassa uppādo paññāyati, vayo paññāyati, ṭhitassa aññathattaṁ paññāyati;

ps2.2:20.5 maggasaccassa uppādo paññāyati, vayo paññāyati, ṭhitassa aññathattaṁ paññāyati;

ps2.2:20.6 nirodhasaccassa na uppādo paññāyati, na vayo paññāyati, na ṭhitassa aññathattaṁ paññāyati—

ps2.2:20.7 saccānaṁ imāni dvādasa lakkhaṇāni.