ps1.4:6.1 Katihākārehi pañcindriyāni bhāviyanti, katihākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca?
BAGIAN 6
ps1.4:6.2 Catūhākārehi pañcindriyāni bhāviyanti catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.3 Sotāpattimaggakkhaṇe pañcindriyāni bhāviyanti;
ps1.4:6.4 sotāpattiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.5 Sakadāgāmimaggakkhaṇe pañcindriyāni bhāviyanti;
ps1.4:6.6 sakadāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.7 Anāgāmimaggakkhaṇe pañcindriyāni bhāviyanti;
ps1.4:6.8 anāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.9 Arahattamaggakkhaṇe pañcindriyāni bhāviyanti;
ps1.4:6.10 arahattaphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.
ps1.4:6.11 Iti catasso maggavisuddhiyo, catasso phalavisuddhiyo, catasso samucchedavisuddhiyo, catasso paṭippassaddhivisuddhiyo.
ps1.4:6.12 Imehi catūhākārehi pañcindriyāni bhāviyanti;
ps1.4:6.13 imehi catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.