ps1.1:385.1 Kathaṁ jivhaṁ ajjhattaṁ vavattheti?
BAGIAN 385
ps1.1:385.2 Jivhā avijjāsambhūtāti vavattheti, jivhā taṇhāsambhūtāti vavattheti, jivhā kammasambhūtāti vavattheti, jivhā āhārasambhūtāti vavattheti, jivhā catunnaṁ mahābhūtānaṁ upādāyāti vavattheti, jivhā uppannāti vavattheti, jivhā samudāgatāti vavattheti.
ps1.1:385.3 Jivhā ahutvā sambhūtā, hutvā na bhavissatīti vavattheti.
ps1.1:385.4 Jivhaṁ antavantato vavattheti, jivhā addhuvā asassatā vipariṇāmadhammāti vavattheti, jivhā aniccā saṅkhatā paṭiccasamuppannā khayadhammā vayadhammā virāgadhammā nirodhadhammāti vavattheti.
ps1.1:385.5 Jivhaṁ aniccato vavattheti, no niccato …pe…
ps1.1:385.6 paṭinissajjati, no ādiyati.
ps1.1:385.7 Aniccato vavatthento niccasaññaṁ pajahati …pe…
ps1.1:385.8 paṭinissajjanto ādānaṁ pajahati.
ps1.1:385.9 Evaṁ jivhaṁ ajjhattaṁ vavattheti.