pe9:4.1 Tattha ye diṭṭhicaritā sattā, te kāmesu dosadiṭṭhī, na ca ye kāmesu anusayā samūhatā, te attakilamathānuyogamanuyuttā viharanti.
BAGIAN 4
pe9:4.2 Tesaṁ satthā dhammaṁ deseti.
pe9:4.3 Añño vā sāvako kāmehi natthi atthoti te ca pubbeyeva kāmehi anatthikā iti kāme appakasirena paṭinissajjanti.
pe9:4.4 Te cetasikena dukkhena anajjhositā.
pe9:4.5 Tena vuccati “sukhā paṭipadā”ti.
pe9:4.6 Ye pana taṇhācaritā sattā, te kāmesu ajjhositā, tesaṁ satthā vā dhammaṁ deseti.
pe9:4.7 Aññataro vā bhikkhu kāmehi natthi atthoti, te piyarūpaṁ dukkhena paṭinissajjanti.
pe9:4.8 Tena vuccati “dukkhā paṭipadā”ti.
pe9:4.9 Iti ime sabbasattā dvīsu paṭipadāsu samosaraṇaṁ gacchanti dukkhāyañca sukhāyañca.